ҚР Президентінің сайты / Мемлекеттік рәміздер / Нашар көретіндерге                                                                                    Қазақша / Орысша
http://www.zoofirma.ru/

Кашыр ауданында терроризмге қарсы оқулар өткізілуде

жаңалықтар

Кашыр ауданында терроризмге қарсы оқулар өткізілуде

2017 жылдың 13 қазанында терроризмге қарсы операциялар өткізу жөніндегі жедел штаб аудандық мәденет үйі негізінде жоспарлы жедел тактикалық оқулар ұйымдастырды. Осы оқулар шеңберінде террорлық актілер қаупін азайту және зардабын жою іс-қимылдары өткізілді.    

Толық

МӘДЕНИЕТ ОШАҒЫ ЖӨНДЕЛУДЕ

жаңалықтар

МӘДЕНИЕТ ОШАҒЫ ЖӨНДЕЛУДЕ

Бүгінде ауданымызда елді мекендердің көркеюі жолында жүйелі жұмыстар жүргізілуде. Соның бірі аудандағы тірек ауылдардың бірі - Байқоныс ауылының мәдениет үйінің төбесіне жасалып жатқан күрделі жөндеу. Жұмыстар тамызда басталып, қыркүйектің соңында аяқталмақ. Байқоныс ауылында биыл мектептің күрделі жөндеуі аяқталып, жаңа оқу...

Толық

КОНСТИТУЦИЯ КҮНІНЕ ТАРТУ

жаңалықтар

КОНСТИТУЦИЯ КҮНІНЕ ТАРТУ

Біздің аудан орталығымыз күн сайын жаңа кейіпке еніп, жанданып келеді. Мұнда жаңадан тұрғын үйлер, әлеуметтік бағыттағы нысандар бой көтеріп, көшелеріміз көріктендіріліп, ауылымыз танымастай өзгеріп келеді. Таяуда Тереңкөл ауылында маңызды оқиға болды. Конституция күні қарсаңында «Аймақтарды дамыту» бағдарламасы аясында іске қосылған...

Толық

АРМЫСЫҢ, АЛТЫН ҰЯ МЕКТЕБІМ!

жаңалықтар

АРМЫСЫҢ, АЛТЫН ҰЯ МЕКТЕБІМ!

Білім күні биылғы жылы да елімізде сан мыңдаған балаларға есіктерін айқара ашты. Сарала күздің алғашқы күнімен бірге басталатын осынау сәт мектеп оқушылары өміріндегі ең бір айтулы күндердің бірі. Әсіресе алғаш мектеп табалдырығын аттап отырған бүлдіршіндер үшін ерекше. Аудан орталығындағы Қатша...

Толық

МЕКТЕБІМЕ ТАҒЗЫМ

жаңалықтар

МЕКТЕБІМЕ ТАҒЗЫМ

Облыс өңірлерінде Қазақстан Республикасы Президенті, «Нұр Отан» партиясының көшбасшысы Н.Ә.Назарбаевтың «Болашаққа бағдар: рухани жаңғыру» бағдарламалық мақаласында ұсынылған, «Туған жер» жобасын жүзеге асыру шеңберінде үлкен жұмыстар атқарылуда. Соның бірі – «Мектебіме тағзым» акциясы. Акцияның мақсаты – белгілі ел азаматтарын өздерінің түлеп...

Толық

Қайықпен жүзудің ережелері

жаңалықтар

Судағы қауіпсіздіктің маңызды шарттарының бірі – қайықпен суда жүзудің ережелерін қатаң сақтау. Жүзуге толықтай жабдықталмаған, не болмаса ақауы бар қайықпен шығуға болмайды. Қайыққа мінбес бұрын қажетті жабдықтардың барына көз жеткізу керек. Ескек, релі, ескек тұтқасы, құтқару шеңбері, сондай- ак адам...

Толық

Облыс өңірлерінде Қазақстан Республикасы Президенті, «Нұр Отан» партиясының көшбасшысы Н.Ә.Назарбаевтың «Болашаққа бағдар: рухани жаңғыру» бағдарламалық мақаласында ұсынылған, «Туған жер» жобасын жүзеге асыру шеңберінде үлкен жұмыстар атқарылуда. Соның бірі – «Мектебіме тағзым» акциясы. Акцияның мақсаты – белгілі ел азаматтарын өздерінің түлеп ұшқан алтын ұя мектептеріне қол ұшын созып, демеушілік көрсету. Мектептің материалдық – техникалық базасының жаңартылуына, осындағы оқушыларға қамқорлық таныту. Сәрсенбі, 6 қыркүйек күні ауданымызға өзіміздің жерлесіміз, облыстық мәслихаттың хатшысы Владимир Александрович Берковский келді. Береговой ауылында болып, осындағы өзі білім алған Береговой орта мектебінде «Шахмат кабинетінің» ашылуына қатысты. Мектеп оқушылары, мұғалімдер және мектепке демеушілік көрсетіп отырған түлектер салтанатты сәттің куәсі болып, мектептің мұражайын аралап, осындағы өзгерістерді көрді. Осы мектептен білім алған В.Берковский бірқатар түлектермен бірлесіп мектепке 1,6 миллион теңге сомасында қаржыға шахмат кабинетін жабдықтап және жаңа музыкалық аппаратулар әперуді жоспарлаған. Міне, сол жоспар жүзеге асып, жарық та әсем безендірілген шахмат кабинеті заманауи жабдықтармен есігін айқара ашты. Бұл мектеп оқушылары үшін үлкен жаңалық болды. Терезелеріне жиналмалы перделер, еденіне жаңа төсеніш, кабинеттің қабырғалары шахмат тақырыбына арналған суреттермен безендірілген. -Біздің Павлодар облысы білім беру саласы жағынан республикада көшбасында. Түрлі жылдарда мектеп бітіріп, бүгінде еліміздің әр саласында жүрген белгілі азаматтар өздері түлеп ұшқан мектептеріне демеушілік көрсетіп, Елбасының бағдарламалық мақаласында айтылған ойларға қолдау танытып, азаматтық істер атқарып жатыр. Облыста үш ауысымда оқитын мектептер жоқ. Мектеп алдындағы балғындардың барлығы балабақшамен қамтылып отыр. Жыл сайын мектеп түлектерінің ҰБТ дағы көрсеткіштері артып келеді. Биылғы жылы біздің облыс республикада алдыңға қатардан көріндік. Бұның барлығы Президентіміздің тапсырмалары біздің облыста толығымен жүзеге асып жатқандығын көрсетеді, - дей келе біздің ауданның да мектептерінде оң өзгерістердің барлығын атап айтты. -Осында келердің алдында Байқоныс, Песчан ауылдарында болдым. Жолдар жөнделіп, көшелер түзеліп, мектеп аулалары гүлге көмкеріліп, ғимараттар жаңа кейіпке еніп қалыпты. Қандай ғажап! Біздің балаларымыз бен немерелеріміз осындай қаладан еш кем емес білім ошақтарында білім алып жатқандығы мені қуантады. Жаңа оқу жылында Сіздерге жаңа табыстар, отбасыларыңызға амандық, ауданның көркеюі жолында аянбай еңбек ете берулеріңізге тілектеспін,- деп ізгі тілегін жеткізді. Мектеп ұжымы дайындаған шағын концертті тамашалады. «Нұр Отан» партиясының АФ төрағасы, аудан әкімі Ж.Шұғаев мектепке демеушілік көрсеткен бірқатар азаматтарды Алғыс хатпен марапаттады. Осы салтанатты сәтті пайдаланып, облыстық мәслихаттың хатшысы В.Берковский Береговой аулының тұрғыны, «Түлеков» ШҚ басшысы Аманжол Түлековты облыстық мәслихаттың Алғыс хатымен марапаттады. Алтын ұя мектептеріне осындай тамаша сый тарту етіп отырған азаматтарға аудан әкімі Ж.Шұғаев, ауылдың қадірменді ақсақалдары Н.Жакупов, Ю.Шаров және ауылдық округ әкімі Р.Құланбаев алғыстарын білдірді. Акцияға қолдау білдірген Береговой мектебінің түлектері –Қ.Абсалямов, К.Ахметов, С.Баяндинов, Б.Бейсебаева, В.Берковский, А.Джанаргалиев, О.Джанаргалиев, Р.Джанаргалиев, А.Жакупов, Ю.Щербак, А.Щербак, Е.Рахимов, Т.Тоқтасов сынды азаматтарға ауыл тұрғындары зор ризашылықтарын білдіреді. Айта кетсек, «Мектебімен тағзым» акциясы – еліміз бойынша Павлодар облысында ғана іске асырылып жатқан бірегей жоба. Ол биылғы жылдың 25 мамырында бастау алған болатын. Дәл осы Береговой ауылындағы осынау тамаша дәстүрді өзге мектептер де қолға алып, түлектер өз алтын ұя мектептеріне тарту жасап жатса, нұр үстіне нұр болары сөзсіз.

ҚАЗАҚСТАН РЕСПУБЛИКАСЫ ПРЕЗИДЕНТІНІҢ
РЕСМИ САЙТЫ
 

 

 

©"Качир ауданы әкімінің аппараты" ММ